Talǵat Jánibekovti qoldap mıtıngige shaqyrǵan áıel aıyppul tóleıtin boldy
ALMATY. QazAqparat - Almatyda zańsyz mıtıngige shaqyrǵan áıelge aıyppul salyndy.
J.Ahmetova Feısbýk áleýmettik jelisi arqyly qalalyq sot ǵımaratynda rejısser T.Jánibekovti qoldap mıtıngke shyǵýǵa shaqyrǵan.
Baspasóz qyzmetiniń habarlaýynsha, sot áıeldi QR QK 488-babynyń 3-bólimi boıynsha, aıypty dep tapty. Ol endi 50 AEK kóleminde (113 450 teńge) aıyppul tóleıtin boldy. Sot sheshimi zańdy kúshine engen joq.
Talǵat Jánibekov «Fenıks» fılminiń túsirilimderine arnalǵan qarajattyń jymqyrylýy isinde kúdikti. Onyń kinási dáleldense, múlki tárkilene otyryp, 7 jyldan 12 jylǵa deıin bas bostandyǵynan aıyrylady. Aıta keteıik, osy daýly fılm boıynsha belgili akter Tuńǵyshbaı Jamanqulov ustalyp, keıin kepilaqymen bosatylǵan edi.
Ol 79 mıllıon teńge jymqyrdy degen kúdikke ilingen. Keıin ol óz kinásin moıyndap, qarajattyń 6 mıllıon teńgesin qaıtarǵan. Memlekettik qyzmet isteri jáne sybaılas jemqorlyqqa qarsy is-qımyl jónindegi agenttiktiń tóraǵasy Qaırat Qojamjarovtyń aıtýynsha, ártis «Qazaqfılmge» qaryzdy óndirip berýge ýáde etken.
