Talǵat Ýálı: ShQO-daǵy órtke qatysty Іshki ister mınıstrligi bir adamdy ustaǵan

NUR-SULTAN. QazAqparat – Polıtsııa Rıdderdegi órtke qatysty kúdiktini ustady. Bul týraly Tótenshe jaǵdaılar mınıstrliginiń resmı ókili Talǵat Ýálı málimdedi, dep habarlaıdy QazAqparat tilshisi.

«Bul másele TJM quzyryna kirmeıdi. Bizdiń bilýimizshe, Іshki ister mınıstrligi bir adamdy ustaǵan. Aldyn ala málimet boıynsha dalada ot jaqqan. Tolyq aqparatty Іshki ister mınıstrliginen bile alasyzdar»– dedi Talǵat Ýálı BAQ ókilderine.

Eske salsaq, keshe Rıdderde aýqymdy órt bolyp saldarynan eki adam aýrýhanaǵa túsip, 73 jastaǵy áıel adam kóz jumdy. Sońǵy derek boıynsha 283 gektar aýmaq otqa oranǵan.

Prezıdent Qasym-Jomart Toqaev Rıdderdegi turǵyn úılerdi qamtyǵan iri orman órtine nazar aýdaryp, jaýapty oryndarǵa zardap shekkenderge der kezinde kómek kórsetý týraly tapsyrma berdi .