Talǵat Sársenbaev Senat Apparatynyń basshysy bolyp taǵaıyndaldy
ASTANA. 4 mamyr. QazAqparat - Parlament Senatynyń Tóraǵasy Qaırat Mámıdiń ókimimen Talǵat Sársenbaev Senat Apparatynyń jetekshisi bolyp taǵaıyndaldy,
dep habarlady palatanyń baspasóz qyzmetinen.
T.Sársenbaev KSRO ІІM Qaraǵandy joǵary mılıtsııa mektebin bitirgennen keıin quqyq qorǵaý organdarynda, joǵary oqý oryndarynda, QR Prezıdentiniń Ákimshiliginde túrli laýazymdar atqarǵan, QR Parlament Senatynyń Apparat Basshysynyń orynbasary, Qazaqstannyń Reseı Federatsııasyndaǵy elshiliginiń keńesshisi bolǵan.
Zań ǵylymdarynyń doktory, professor. Qazaqstan Respýblıkasynyń Qurmet Gramotasymen jáne medaldarymen marapattalǵan.
Senat Apparatyn basqarǵan M.Nurtileýov basqa jumysqa aýysýyna baılanysty qyzmetinen bosatyldy.
