Talǵat Orynbasar: altyn medal jeńip alyp, jeńisimdi qazaq eline arnaǵym keledi
ASTANA.KAZINFORM - Sanaýly kúnderden keıin Astanada dzıýdodan Qazaqstan Barysy Grand Slam týrnıri bastalady. Osy oraıda Qazaqstan erler quramasynyń balýan Talǵat Orynbasar Olympic.kz saıtyna bergen suhbatynda daıyndyǵyna baǵa berip, basty armany jaıly aıtty.
- Olımpıada oıyndary jaqyndap keledi. 60 kelige deıingi salmaqtaǵy básekeniń deńgeıi óte joǵary. Sondyqtan qazir bar kúshimizdi salyp, jattyǵý men tártipke erekshe mán berip jatyrmyz. Daıyndyq barysy kóńil qýantady. Qazir jaraqat joq, barlyǵy jaqsy. Tolyq babymdamyn deýge bolady. Eń bastysy, osy Astanada altyn medal jeńip alyp, árdaıym qoldaý kórsetip júrgen qazaq eline sol jeńisimdi arnaǵym keledi. Aldymen Astanadaǵy Grand Slam jarysynda sátti óner kórsetýge barymyzdy salamyz. Odan keıin qaı týrnırge qatysatynymyzdy bapkerler shtaby sheshedi. Ázirge naqty aıtpaıdy qaı jarysqa baratynymyzdy, ózimiz de jarys jaqyndaǵanda ǵana bilemiz, - dedi Talǵat Orynbasar.
Aıta keteıik, otandasymyz 2025 jyly ótken Qazaqstan Barysy Grand Slam týrnırinde kúmis medal alǵan edi.
Astanadaǵy Grand Slam týrnırine qatysatyn qazaqstandyq dzıýdoshylar belgili boldy.
