Talǵat Nárikbaev Prezıdent chellendjine qoldaý bildirdi
«Keshe, kazinform jańalyqtarynan Prezıdent Qasym-Jomart Toqaev tusaýyn kesken «Júrek jylýy» chellendjin oqydym. Aktsııanyń negizgi maqsaty – eldiń ár óńirinen óz qajettiligi týraly jazyp, qoldaý suraǵan hat ıesine erikti túrde qol ushyn berý eken. Bizdiń ýnıversıtetimizdiń úshinshi mıssııasy ol qoǵamǵa qyzmet etý bolǵandyqtan men bul bastamany óte jyly qabyldadym. Prezıdentimizdiń bastamasyn qoldaýǵa daıyn ekenimizdi bildirip uıymdastyrýshylarǵa habarlastym», - dedi ol.
Onyń, atap ótýinshe, uıymdastyrýshylardy ýnıversıtette qabyldap, «jaqsylyq sandyǵynan» bir hatty alǵan.
«Alfııa degen qaryndasymyz júgirýge arnalǵan sporttyq aıaq-kıim qalaıdy eken. Biz tek sporttyq aıaq kıimmen ǵana emes, júgirýge qajetti barlyq sporttyq kıimmen jabdyqtaımyz dep sheshtik. Sonymen qatar, otbasynyń jaǵdaıyn bilip basqa da kómegimizdi jasaımyz dep sheshim qabyldadyq. Qaryndasymyzdyń sport jolynda úlken jetistikterge jetýge shyn júrekten tilekshimin! Musylman qaýymda jaqsy sóz bar, «Jaqsylyq jasaýda jarysyńdar» degen. Aldymyzda qasıetti Ramazan aıy kele jatyr. Naǵyz jaqsylyqtar kóbirek jasaıtyn merzim. Sebebi, onyń saýaby birneshe ese bolyp qaıtýy múmkin. Sondyqtan, barshańyzdy jaqsylyq jasaýǵa shaqyramyn!», - dedi Talǵat Nárikbaev.
Buǵan deıin elordanyń EXPO qalashyǵynda Prezıdent Qasym-Jomart Toqaev «Júrek jylýy» chellendjine bastaý berip, balalardyń hattary salynǵan sandyqtan olardyń alǵashqysyn alyp shyqqan bolatyn. Memleket basshysy hatty oqyp, onyń ıesiniń tilegi oryndalatynyn jetkizdi.
Keıin chellendj Jibek Joly telearnasynyń stýdııasynda jalǵasyn tapqanyn jazǵan edik.
