Talǵat Musabaev Tájikstandaǵy prezıdent saılaýynda baıqaýshy bolady
«QR Parlamenti Senatynyń depýtaty Talǵat Musabaev TMD elderi Parlamentaralyq assamleıasy atynan halyqaralyq baıqaýshylar tobynyń jumysyna qatysady. Senator baıqaýshylar toby quramynda Tájikstan Parlamenti eki palatasynyń tóraǵalarymen kezdesýdi josparlap otyr. Eldiń prezıdenttik saılaýǵa saılaýaldy naýqany jáne daıyndyǵy Ortalyq saılaýlar men referendýmdar jónindegi komıssııa tóraǵasymen birge talqylanatyn bolady» delingen Senat baspasóz qyzmeti taratqan aqparatta.
Sonymen qatar, senator prezıdenttikke kandıdattardyń saılaýaldy shtabtarynyń jetekshilerimen kezdesedi dep josparlanǵan.
Senattyń málimetinshe, Talǵat Musabaevtyń baıqaýshy retindegi jumysy 11 qazan kúni Dýshanbedegi saılaý ýchaskeleriniń ashylýymen bastalady. Ol daýys berý pýnkterine barady.
Saılaý ýchaskeleri jabylǵannan keıin TMD Parlamentaralyq assambleıasynyń ókilderi qorytyndy jıynda bas qosady.
Baıqaýshylar óz qorytyndylaryn saılaýdan keıingi kúni ótetin baspasóz máslıhaty barysynda jarııa etedi.