Talǵat Musabaev ǵarysh týraly memýarlaryn zeınetkerlikke shyqqan soń ǵana jazady (FOTO)

ASTANA. QazAqparat - QR IDM Aeroǵarysh komıtetiniń (Qazǵarysh) tóraǵasy Talǵat Musabaev oqyrmandarǵa ǵaryshta bolý jáne otandyq kosmonavtıkanyń qyzmeti týraly memýarlary qamtylatyn kitapty zeınetkerlikke shyqqan soń ǵana jazýdy ýáde etti.

«Maǵan bul suraqty jıi qoıyp otyrady, 150 ret qoıǵan shyǵar. Biraq bul óte jaqsy suraq, men tipti áli kúnge deıin bul týraly birde-bir jol jazbaǵanyma uıalamyn. Biraq, birinshiden, qazir qolym bos emes. Ol kóp eńbektenýdi, bos ýaqytty qajet etetin jumys ekenin ózderińiz túsinetin shyǵarsyz», - dedi T.Musabaev QR Ulttyq murajaıynda ótken «Juldyzdy joldardyń batyrlary» taqyrybynda ótken dóńgelek ústel qatysýshylarynyń suraqtaryna jaýap berip.

QR Aeroǵarysh komıtetiniń tóraǵasy ǵarysh salasynda jumys isteý jyldarynda jınaǵan tájirıbesi 10 kitapty jazýǵa jetetinin moıyndady. Alaıda T.Musabaevtyń búgingi jumysynyń kúrdeli kestesi ony jasaýǵa múmkindik bermeı otyr. «Memýarlarǵa kelsek. Men zeınetkerlikke shyqqanda, óz memýarlarymdy jaza bastaıtyn shyǵarmyn, jazatyn qyzyqty jaıttar kóp. Biraq qazir qolym bos emes», - dep qosyp ótti QR Avıatsııasynyń general-leıtenanty.