Talǵat Muratov Semeı qalasynyń ákimi bolyp taǵaıyndaldy

SEMEI. KAZINFORM – Semeı qalasynyń ákimi laýazymyna Talǵat Muratov taǵaıyndaldy. Ol buǵan deıin Besqaraǵaı aýdanyn basqarǵan.

Talǵat Batyruly Almaty oblysy Qaratal aýdany Kálpe aýylynda dúnıege kelgen.

2007 jyly – Qazaq bas sáýlet qurylys akademııasyn, 2015 jyly – Qazaqstan ınnovatsııa ýnıversıtetin, 2018 jyly Qazaq qatynas joldary ýnıversıtetin aıaqtaǵan.

Eńbek jolyn 1993 jyly «Stroıdetal» jeke kásipornynyń atqarýshy dırektory qyzmetinen bastady. Ár jyldarda túrli mekemelerde basshylyq qyzmet atqardy.

2014-2018 jyldary Besqaraǵaı aýdanynyń sáýlet, qala qurylysy jáne qurylys bóliminde bas mamannan bastap, bólim basshysy boldy.

2018-2022 jyldary Jarma aýdany ákiminiń orynbasary bolyp jumys istedi.

2022 jyldyń qazan aıynan osy ýaqytqa deıin Besqaraǵaı aýdanynyń ákimi laýazymyn atqarǵan.

Eske salsaq, osyǵan deıin Nurbek Qoshqarbaevtyń Abaı oblysy Besqaraǵaı aýdanynyń ákimi bolyp taǵaıyndalǵany habarlanǵan.