Talǵat Lastaev Eýropalyq azamattyq avıatsııa konferentsııasynyń prezıdentimen kezdesti
ASTANA. KAZINFORM — Monreal qalasynda ótken azamattyq avıatsııa jónindegi 7-shi Dúnıejúzilik konferentsııa aıasynda QR Kólik vıtse-mınıstri Talǵat Lastaev pen Eýropalyq azamattyq avıatsııa konferentsııasynyń (ECAC) Prezıdenti Alessıo Kvarantanyń kezdesýi ótti.
Taraptar áńgime barysynda Qazaqstan men ECAC arasyndaǵy yntymaqtastyqty damytý jáne nyǵaıtý perspektıvalaryn, sondaı-aq azamattyq avıatsııa salasyndaǵy ózara is-qımyldy keńeıtý múmkindikterin qozǵady.
Sonymen qatar spıkerler halyqaralyq tájirıbe almasý, avıatsııa salasyn memlekettik retteý tásilderin jetildirý, ushý qaýipsizdigin qamtamasyz etý jáne halyqaralyq standarttarǵa sáıkes ozyq tájirıbelerdi engizý máselelerine nazar aýdardy.
Kezdesý qorytyndysy boıynsha avıatsııa salasyn damytýdyń ózekti baǵyttary boıynsha yntymaqtastyqty jalǵastyrýǵa jáne ózara is-qımyldy keńeıtýge ózara múddelilik rastaldy.
ECAC quramyna 44 múshe memleket – eýropalyq elderdiń azamattyq avıatsııa organdary kiredi. Konferentsııa quramynda Eýropalyq odaq elderi, EO-ǵa kirmeıtin Eýrobaqylaýǵa (Evrokontrol) múshe memleketter, sondaı-aq eýropalyq qatysýshy elder (Islandııa, Ázerbaıjan, San-Marıno, Ulybrıtanııa, Norvegııa, Shveıtsarııa, Túrkııa, Ýkraına jáne basqalary) bar.
QR Kólik mınıstrligi málimetinshe, ESAS azamattyq avıatsııanyń mańyzdy máseleleri boıynsha múshe memleketterdiń saıası ustanymdaryn úılestirýge, sondaı-aq múshe memleketter arasyndaǵy yntymaqtastyqqa járdemdesýge jáne olardyń áýe kóligin damytýǵa jaýap beredi.