Talǵat Qalıev: Muǵalimderge qazir oqýshynyń nazary úshin úlken básekege túsýge týra keledi
Ortalyq kommýnıkatsııalar qyzmetiniń dırektory, saıasattanýshy Talǵat Qalıev Ustazdar kúnine oraı osyndaı pikir bildirip, muǵalimderdi kásibı merekesimen quttyqtady, dep habarlaıdy QazAqparat tilshisi.
«Bilim alǵan, alaıda bilimdi dep aıtýǵa aýyz barmaıtyn adamdardy kórip júrmiz. ıAǵnı, bilim alý degen – oqýmen shektelmeı, etıkalyq jáne moraldyq qasıetterdi sińirýmen eseptelse kerek. Osynyń bári aınalyp kelgende muǵalimge baılanysty. Tarıhty paraqtap otyrsańyz, kez kelgen uly adamnyń tulǵa bolyp qalyptasýyna muǵalimniń tikeleı sebep bolǵanyn kóresiz. Bolmasa buǵan qarsy oqıǵalar da bar: máselen, kezinde Edısondy (ónertapqysh) muǵalimderi baıqamaı qap, aqyry mektepten qýylǵan bala álemdik tulǵanyń birine aınaldy. Al qazir zaman bólek. Muǵalim qazir ınternetpen bir, tyǵyz kún tártibimen bir kúresýi kerek», - dedi sarapshy Ustazdar kúnine arnalǵan «Prezıdent Qasym-Jomart Toqaevtyń Qazaqstan halqyna Joldaýy: muǵalimniń áleýmettik rólin arttyrý aspekti» taqyrybynda ótken dóńgelek ústelde.
Saıasattanýshynyń aıtýynsha, qazir aqparattyq maıdan kezeńinde adam bilimdi izdemeıdi, bilimniń ózi adamdy izdeıtin ýaqyt kelgen.
«Sol úshin pedagogtarǵa oqýshynyń nazary úshin úlken básekege túsýge týra keledi. Buryn uzaq ýaqyt ıgeretin bilim qazir sanańyzǵa sap etip, bir kúnniń ishinde keledi. Sol úshin biz muǵalimge ýaqyt berýimiz kerek. Sebebi, ol – shyǵarmashylyq adamy. Bir ýaqytta árbir balaǵa jeke bilimdi sińiretindeı amal-ádis tabý úshin muǵalim baryn salýy tıis. Ustazdardy kásibı merekesimen quttyqtaımyn», - dedi ol.
Eske sala ketsek, osydan biraz ýaqyt buryn Úkimet otyrysynda «Pedagog mártebesi týraly» zań jobasy bekitilgen bolatyn.
Qazirgi ýaqytta zań jobasy Parlament Májilisiniń qaraýynda jatyr.
