Talǵat Qalıev beıbit jıyndar týraly zań jobasyna qatysty pikir bildirdi

NUR-SULTAN. QazAqparat – Ortalyq kommýnıkatsııalar qyzmeti» respýblıkalyq memlekettik mekemesiniń dırektory Talǵat Qalıev «QR-da beıbit jıyndardy uıymdastyrý jáne ótkizý tártibi» týraly zań jobasyna qatysty pikir bildirdi, dep habarlaıdy QazAqparat tilshisi.

«Zań jobasy týraly sóz qozǵaıtyn bolsaq, men belgili bir dárejede aralas júıemen kelisemin. Sebebi myńdaǵan adam uıymdastyrýshylardyń qadaǵalaýyna kónbeı kete me dep qorqamyn. Biraq aınalyp kelgende nelikten tek 250 azamat bolýy tıis? Olardy kim sanaıdy? Olar úshin kim jaýapty bolady? Sonymen qatar daıyn zań turǵanda jýrnalıstiń mártebesin aıqyndaýdyń qajeti qansha?» - deıdi Talǵat Qalıev elordada zań jobasynyń tujyrymyn talqylaý barysynda.

Talǵat Qalıev óz sózinde Memleket basshysynyń ruqsat berý júıesinen eskertý tártibine ótý týraly tapsyrmasyn eske salyp ótti.

«Meni shynynda da keleshek alańdatady. Biraq bizdiń halyq saýatty ári saıası turǵyda kemel degen pikirge senemin», - dedi ol.

Eske sala ketsek, QR Aqparat jáne qoǵamdyq damý vıtse-mınıstri Danııar Esın Ádilet mınıstrliginde ótken vedomstvoaralyq komıssııa otyrysynda «Qazaqstan Respýblıkasynda beıbit jıyndardy uıymdastyrý jáne ótkizý tártibi» týraly zań jobasynyń tujyrymyn tanystyrǵan bolatyn.