Talǵat Qalıev: Aımaqtardaǵy problemalardyń sheshimin máslıhattardan talap etý kerek
«Keıingi ondaǵan jyldar boıy bizdiń elde saıasatty shetten tys ortalyqtandyrý protsesi júrdi. Álbette kimniń depýtat, kimniń mınıstr ekenin, olardyń qandaı is tyndyryp júrgenin bilgenimizben, óńirlerde ne bolyp jatqanyn kóp zertteı bermeıtin edik. Aımaqtarda qandaı da bir rezonansty jaǵdaı tirkelse, sondaǵy aımaqtyq elıtanyń, kezekti majordyń kim ekenin bilip otyratynbyz. Al biz onda máslıhattyń hatshysy kim, ol ne istep jatyr degen suraqtyń jaýabyn bilmeýshi edik. Ýnıtarly memleket, halqynyń sany az, jeri úlken el retinde aımaqtarda naqty ne bolyp jatqanyn bilip otyrýymyz kerek bolatyn», - dedi Talǵat Qalıev elordada ótken «SAILAU-2021: Parlament saılaýynyń aldyn ala qorytyndylary» atty saraptamalyq talqylaýda.
Sarapshynyń aıtýynsha qazaqstandyq saıasattyń aımaqtyq ólshemi júrgizilýi tıis.
«Biz azamattyq qoǵam týraly sóz qozǵaǵanda aımaqtyq saıasatty, jergilikti ózin-ózi basqarý, aımaqtardy tıimdi basqarý máselelerin esten shyǵaryp jatamyz. Biz eń birinshi kezekte Májiliske emes, máslıhattarǵa júginýimiz kerek. Qandaı da bir aýdanda nelikten joldyń jaıy nashar ekenin, qala sheti nelikten damymaı jatqanyn biz solardan suraýymyz kerek. Munyń bári jergilikti atqarýshy organdar men máslıhattarǵa joldanatyn suraqtar, sebebi olar bıýdjetti túzip, ony baqylaıdy. Osy rette búgingi tańda partııalardyń máslıhattarǵa kele bastaýynyń mańyzy óte zor. Olardyń partııaishilik básekelestigin artýyna jol ashady. ıAǵnı árbir depýtattyń artynda budan bylaı bútindeı bir partııanyń resýrsy turady. Bir óńirde bir partııanyń bir ókili bar bolsa da, ol medııalyq, saıası resýrstarǵa ıe bola alady», - dedi ol.
Talǵat Qalıev búgin máslıhatqa engen partııalar erteń Májiliske enýge mol múmkindik alatynyn jetkizdi.
«Bizde 1 paıyz alyp qalǵan birde-bir partııa joq. Kúni keshe ǵana paıda bolǵan «Adal» partııasynyń ózi 3 paıyzdan astam daýys aldy. Bul – eki aılyq nasıhat jumysynyń úlken nátıjesi. Bul degenimiz saılaýǵa nazardyń joǵary bolǵanyn, nasıhat jumystary da tıimdi ári sapaly júrgizilgenin kórsetedi. Bir ókinishtisi, agrarly el bola tura Májiliste «Aýyl» partııasynyń ókili bolmaıtyn boldy. Biraq menińshe, «Aýyl» partııasynda mamandandyrylǵan sapaly baǵdarlama bolmaǵan sekildi. Sebebi «Aýyl» óz sońynan ıadrolyq elektoratyn ertip kete almady. Olar osy qatelik boıynsha jumys júrgizer dep oılaımyn», - dedi ol.
