Talǵat Qalıev: 30 paıyzdyq kvotamen jastardyń saıası isterge aralasý deńgeıi kóterildi

NUR-SULTAN. QazAqparat – Jastarǵa qatysty ártúrli baǵdarlamalardy biriktirý máselesi ár mınıstrliktegi qarajatqa baryp tireledi.

«Prezıdenttik jańa saıası reformalar paketi» atty dóńgelek ústelde «Qoldanbaly etnosaıası zertteýler ınstıtýty» JShS dırektory Talǵat Qalıev osyndaı pikir bildirdi, dep habarlaıdy QazAqparat tilshisi.

«Bizde jastardy qoldaýǵa baǵyttalǵan kóptegen keshendi shara bar. Biraq olardyń bári de ártúrli sıpatta. Ulttyq qoǵamdyq senim keńesiniń otyrysynda Memleket basshysy osy baǵdarlamalardyń bárin de biriktirý kerektigin málim etti. Biraq bul jumys ázirge aıtarlyqtaı júrgizilip jatqan joq. Álbette bul jerde másele ártúrli mınıstrliktegi qarajatqa kelip tireletinin túsinemin», - dedi Talǵat Qalıev.

Onyń aıtýynsha, elde saıası jáne azamattyq belsendilik deńgeıi azaıǵandyqtan bul reıtıngte Qazaqstan 2013 jyly 27 orynda turǵanymen, 2016 jyly 63-shi orynǵa syrǵyp ketken.

«Meniń oıymsha, bul ındeksti kóterýimiz kerek. 30 paıyzdyq kvotanyń kómegimen jastardyń saıası jáne azamattyq isterge aralasý deńgeıin kóterip qoıdyq. Birtindep shaǵyn qadamdar júıeli iske aınalyp, jastardy damytý ındeksin engizsek, qaı turǵyda qalyp bara jatqanymyzdy, qandaı sharalardyń azdyǵyn, qaı salaǵa kóbirek kúsh salý kerektigin baıqaı alarmyz degen úmittemin», - dedi ol.

Eske sala ketsek 7-shi shaqyrylǵan Parlamenttiń 1-shi sessııasynda QR Prezıdenti Qasym-Jomart Toqaev Qazaqstanda jastardyń damý ındeksin engizý kerektigin málim etken edi. https://kaz.inform.kz/news/kazakstanda-zhastardyn-damu-indeksi-engizilmek_a3741394