Talǵat Ibrashev Almaty oblystyq sotynyń tóraǵasy bolyp taǵaıyndaldy
QONAEV. KAZINFORM — Joǵarǵy sottyń sýdıasy Talǵat Ibrashev Almaty oblystyq sotynyń tóraǵasy bolyp taǵaıyndaldy.
Ony keshegi ótken keńeste Joǵarǵy sottyń tóraǵasy Aslanbek Merǵalıev quttyqtady.
— Siz qaı laýazymda jumys isteseńiz de árqashan ózińizdi mindetine jaýapkershilikpen qaraıtyn bilikti basshy, tamasha uıymdastyrýshy retinde kórsetip kelesiz. Sizdiń aldyńyzda úlken mindetter tur. Sizdiń osy mindetterdi abyroımen atqaratynyńyzǵa senimdimin, — dep atap ótti A.Merǵalıev.
Talǵat Ibrashev 1969 jyly týǵan, Qostanaı oblysynyń týmasy.
Oral memlekettik zań akademııasyn bitirgen.
1993-1996 jyldary — keden organdaryndaǵy qyzmet.
1996-1997 jyldary — Torǵaı oblystyq sotynyń aǵa keńesshisi.
1997-1999 jyldary — Arqalyq qalalyq sotynyń sýdıasy.
1999-2004 jyldary — Qostanaı oblystyq sotynyń sýdıasy.
2004-2010 jyldary — Qostanaı aýdandyq sotynyń tóraǵasy.
2010-2012 jyldary — Qostanaı qalasy ákimshilik sotynyń tóraǵasy.
2012-2016 jyldary — Rýdnyı qalalyq sotynyń tóraǵasy.
2016 jyldan bastap qazirgi ýaqytqa deıin — Qazaqstan Respýblıkasy Joǵarǵy sotynyń sýdıasy.
