Talǵat Bıgeldınovtyń týǵanyna 100 jyl: Elordada batyrdy eske alý sharasy ótti
NUR-SULTAN. QazAqparat - Búgin aty ańyzǵa aınalǵan ushqysh, Keńes Odaǵynyń eki márte batyry, Qazaqstan avıatsııasynyń general-maıory Talǵat Bıgeldınovtyń týǵanyna 100 jyl toldy. Osy mereıli kúnge oraı elordadaǵy Talǵat Bıgeldınovtyń eskertkishine gúl shoqtaryn qoıý saltanatty sharasy ótti, dep habarlaıdy Azamattyq avıatsııa komıtetiniń baspasóz qyzmeti.
Іs-sharaǵa QR Qorǵanys mınıstri Rýslan Jaqsylyqov, Nur-Sultan qalasynyń ákimi Altaı Kólginov, QR tuńǵysh ǵaryshkeri jáne Keńes Odaǵynyń batyry Toqtar Áýbákirov, QR Qarýly Kúshteriniń ardagerleri jáne Azamattyq avıatsııa komıtetiniń tóraǵasy Talǵat Lastaev qatysty.
Aty ańyzǵa aınalǵan ushqysh jaýdyń bekinisterin, aerodromdaryn, temirjol toraptaryn, ózen ótkelderin, jaýdyń áskerleri men tehnıkalaryn barlaý jáne joıý úshin 305 ret jaýyngerlik shabýyl jasaǵan.
Talǵat Jaqypbekuly Bıgeldınov eki márte Keńes Odaǵynyń batyry joǵary ataǵyna ıe bolǵan 65 áskerı ushqyshtyń biri.
Otan soǵysyndaǵy erlikke toly jaýyngerlik jolyn Talǵat Bıgeldınov 1945 jyly 24 maýsymdaǵy Jeńis paradyna qatysýymen aıaqtady.
1950 jyly Talǵat Jaqypbekuly Áskerı-áýe akademııasyn bitirip, 1956 jylǵa deıin avıatsııalyq polk komandıriniń orynbasary jáne shtab bastyǵy laýazymynda KSRO Qarýly Kúshteri qatarynda qyzmet atqardy.
Talǵat Bıgeldınovtyń erlikteri qazaqstandyqtardyń kóptegen urpaqtaryn óz ómirlerin áskerı jáne azamattyq avıatsııamen baılanystyrýǵa yntalandyrdy.
Ashy q k ó zderden alyn ǵ an foto
