Talǵat Baısýfınov eki apta oqshaýlandy
«Qazaqstan ulttyq quramasynyń bas bapkeri Talǵat Marýauly Baısýfınov osydan 2 kún buryn PTR synaǵyn tapsyrý kezinde oń nátıje alyp, vırýs juqtyrǵany rastaldy. Bas bapkerdiń osyǵan deıin tapsyrǵan testilerinde mundaı baıqalmaǵan. Eki apta buryn Talǵat Marýauly vırýs juqtyryp oqshaýlanýǵa májbúr bolǵan edi. Odan keıingi synama nátıjeleri birde oń, birde sol ekenin kórsetti. Aıta ketýimiz kerek, Talǵat Marýaulynyń densaýlyǵy birqalypty jáne jattyǵý jumystaryn onlaın júrgizip te jatyr. Endi erteń taǵy da synaq tapsyryp, aǵzasynda vırýstyń ne bar, ne joq ekenin anyqtap almaq», - dep jazylǵan federatsııa taratqan habarlamada.
Talǵat Baısýfınov ótken jyldan bastap ulttyq qurama bas bapkeri qyzmetin atqaryp keledi.
Fýtboldan 2022 jylǵy álem chempıonaty Qazaqstan D tobynda synǵa túsýde. Eki oıynnan keıin bir upaı enshilep, týrnır kestesinde besinshi orynda tur.
Ulttyq qurama 1 qyrkúıekte óz alańynda Ýkraınany qabyldaıdy. Odan keıin syrt alańda 4 qyrkúıekte Bosnııa jáne Gertsogovına, 7 qyrkúıekte Fınlıandııa quramalarymen sheberlik baıqasady.
Eske salsaq, Budan buryn Qazaqstan men Ýkraına oıynyna kórermender tamashalaýǵa múmkindik alǵanyn habarlaǵan edik.