Talǵat Baısýfınov Dinmuhamed Qashkendi ne úshin ulttyq quramaǵa shaqyrǵanyn aıtty

ASTANA. KAZINFORM – Fýtboldan Qazaqstan ulttyq quramasy bas bapkeriniń mindetin ýaqytsha atqarýshy Talǵat Baısýfınov Lıhtenshteınge qarsy oıyn aldynda BAQ ókilderi úshin baspasóz máslıhatyn ótkizdi. 

Baısýfınov jýrnalıster suraǵyna jaýap bere otyryp, Dinmuhamed Qashkendi ne úshin ulttyq quramaǵa shaqyrǵanyn túsindirdi

– Jattyǵý jıyny bastalar aldynda biz ortalyq qorǵaýshylardan eki oıynshy jaraqat alýyna baılanysty bir ortalyq qorǵaýshy kerek dep sheshtik. Sol ýaqytta maǵan QPL-dyń barlyq oıynshysy qamtylǵan keń derekter bazasy usynyldy. Osy bazadaǵy derekterge baılanysty negizgi jáne rezervtegi tizim jasaldy. Dinmuhamed Qashkenniń keıingi kórsetkishteri baǵalanyp, jas oıynshynyń deńgeıin aldaǵy ýaqytta jaqynyraq taný úshin oǵan múmkindik berildi, - dedi ol.

Talǵat Marýauly Dinmuhamed Qashkenniń ulttyq quramaǵa shaqyrylýy basqa da oıynshylarǵa úmit syılaıtynyn aıtty. 

– Bizdiń maqsatymyz – jeńis. Sol sebepti siz-biz bolyp osy oıynshymyzdy qoldaýǵa shaqyramyn. Onyń quramaǵa qosylýy basqa oıynshylarymyzǵa da úmit syılaıtyny sózsiz. Olar da ózin kórsetip, ulttyq qurama sapyna qosylýǵa umtylýy kerek. Bizdiń esigimiz barlyq oıynshyǵa ashyq, - dedi bas bapker.

Osyǵan deıin habarlaǵanymyzdaı, Qazaqstan ulttyq quramasy óz alańynda 10 qazan kúni Lıhtenshteındi qabyldasa, 13 qazanda syrt alańda Soltústik Makedonııamen sheberlik baıqasady.