Talǵat Ardanǵa qatysty sot úkimi qaıta qaralýy múmkin — Antıkor
ASTANA. KAZINFORM — Astana LRT-nyń burynǵy basshysy Talǵat Ardan Túrkııadan Qazaqstanǵa jetkizilgennen keıin, oǵan qatysty qylmystyq is qaıta qaralýy múmkin. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov málim etti.
— Sot úkimimen syrttaı 11 jylǵa sottaldy. Qazir Bas prokýratýra ekstradıtsııalaýmen aınalysyp jatyr, Qazaqstanǵa qaıtarylǵan jaǵdaıda, ol sot úkimimen tanysady. Tanysqan soń 15 kúnniń ishinde appelıatsııalyq shaǵym túsiretin bolsa, qaıta qaralýy múmkin, — dedi Danııar Bıgaıdarov vedomstvoda ótken baspasóz máslıhatynda.
Bıyl mamyrda Bas Prokýratýra Astana LRT-nyń burynǵy basshysy Talǵat Ardannyń Túrkııada ustalyp, Qazaqstanǵa ekstradıtsııalanatynyn habarlady.
Eske salaıyq, 2023 jyly mamyrda elordada salynbaı qalǵan Astana LRT qurylysyna qatysty qylmystyq is boıynsha sot úkimi shyqty. Sot úkimimen Talǵat Ardan men Qanat Sultanbekov 7 jylǵa sottaldy.
2024 jyly qarashada LRT eks-basshysy Talǵat Ardanǵa qatysty jańa úkim shyqty.
Aıta keteıik, «Astana LRT» boıynsha is sotqa 2020 jyly qazanda joldandy.