Talǵat Ardan men Qanat Sultanbekovti izdeý jumysyn toqtatpaımyz – Bas prokýratýra
Bas prokýratýra jáne basqa da quzyrly organdar Astana LRT isi boıynsha aıyptalyp, qashyp júrgen Talǵat Ardan men Qanat Sultanbekovti halyqaralyq deńgeıde izdeý jumysyn jalǵastyryp jatyr, dep habarlaıdy Kazinform tilshisi.
«Іshki ister mınıstrligi, Interpoldyń ulttyq ortalyq bıýrosy jáne Sybaılas jemqorlyqqa qarsy is-qımyl agenttigi shet memleketterdiń quzyrly organdarymen birlesip, T. Ardan men Q. Sultanbekovti izdeý jumysyn jalǵastyryp jatyr. 2020 jyly Q. Sultanbekovtiń AQSh aýmaǵynda júrgeni týraly məlimet keldi. Sol jyly Bas prokýratýra AQSh-tyń ádilet departamentine Q. Sultanbekovti ustap berý týraly ótinish joldady» delingen Kazinform agenttigi joldaǵan resmı saýalǵa berilgen jaýapta.
Bas prokýratýranyń málimetine sáıkes, Talǵat Ardannyń da qaı elde júrgeni shamamen belgili.
«Talǵat Ardan Túrkııa aýmaǵynda bolýy múmkin degen məlimet tústi. 2019 jyly Bas prokýratýra T. Ardandy ustap berý týraly Túrkııanyń ádilet mınıstrligine ótinish joldandy. Túrik tarapynyń aqparatyna səıkes T. Ardannyń naqty júrgen jeri anyqtalmaǵan. Talǵat Ardandy Qazaqstanǵa ekstradıtsııalaý məselesi onyń júrgen jeri anyqtalǵan jaǵdaıda Túrkııanyń quzyretti organdary Qazaqstan men Túrkııa arasyndaǵy ekijaqty shartqa jəne Túrkııanyń ulttyq zańnamasyna səıkes sheshedi. Talǵat Ardandy izdestirý sharalary jalǵasyp jatyr», — deıdi vedomstvodan.
Jalpy izdeýde júrgen adamǵa Qazaqstan aýmaǵynda ustalǵan jəne shet memleket taýyp bergen jaǵdaıda ǵana halyqaralyq izdeý toqtatylady.
«Osy oraıda T.Ardan men Q. Sultanbekovke jarııalanǵan izdeýdiń kúshi joıylmaıdy», — degen jaýap aldyq Bas prokýratýradan.
Eske sala keteıik, Astana qalalyq qylmystyq isteri jónindegi mamandandyrylǵan aýdanaralyq soty bıyl 3 mamyrda Talǵat Ardan men Qanat Sultanbekovti bóten múlikti talan-tarajǵa salǵany úshin aıypty dep tanyp, ekeýine de 7 jyl bas bostandyǵynan aıyrý jazasyn taǵaıyndaǵan edi.
2019 jyly Memleket basshysy LRT qurylysyna qatysty isti tergeýdi jedeldetýdi tapsyrdy.
2020 jyldyń qańtarynda LRT-ǵa qatysty tergeý sharalary aıaqtaldy. Sol jyly qazanda is sotqa joldandy.
Aıta ketsek, 2022 qańtarda Bas prokýratýra LRT isindegi negizgi kúdiktilerdi tergeýge shaqyrtý týraly aqpar jarııalaǵan edi.
Odan bólek Astana LRT isi boıynsha Talǵat Ardan men Qanat Sultanbekovtiń qaıda júrgeni týraly aqparat bary habarlandy.
