Talǵat Ardan áli Túrkııada – Bas prokýratýra

ASTANA. KAZINFORM – Bas prokýrordyń orynbasary Áset Shyndalıev Májilistiń jalpy otyrysynan keıin jýrnalısterdiń suraǵyna bergen jaýabynda LRT isi boıynsha kúdikti dep tanylǵan Talǵat Ardandy Túrkııadan Qazaqstanǵa aldyrý sharasy nege kesheýildep jatqanyn aıtty. 

- Talǵat Ardanynń isi qazir qaı satyda? Qazaqstanǵa ákelý nege keshigip jatyr, - dep surady jýrnalıst.

Bos prokýratýra ókili muny Túrkııa zańnamasymen baılanystyrdy.

- Talǵat Ardan, ózińiz biletindeı, Túrkııada ustaldy. Qazir ol Túrkııada qamaqta otyr. Astanaǵa áli kelgen joq. Biz qujattardy Túrkııaǵa jiberdik. Olar sonyń bárin qarap, sheshim qabyldaıdy. Qazaqstanǵa qashan ákelinetini áli belgisiz. Óıtkeni ekstradıtsııalaý máselesi Túrkııa zańnamasy arqyly qaralady. Biz Túrkııa tarapyna «tez-tez» dep aıta almaımyz. Ol memleket óz zańy boıynsha qarastyrady, - dedi Áset Shyndalıev. 

Eske salsaq, Ulttyq qaýipsizdik komıteti LRT salý jobasy arqyly memleketke 85,9 mlrd teńge shyǵyn keltirdi dep aıyptalǵan Talǵat Ardannyń Túrkııada ustalǵanyn málim etken bolatyn.