Talǵat Aldybergenov «Qazaqstan temir joly» basqarma tóraǵasy bolyp taǵaıyndaldy

ASTANA. KAZINFORM – «Samuryq-Qazyna» AQ basqarma tóraǵasy Nurlan Jaqypov «Qazaqstan temir joly» ulttyq kompanııasynyń ujymyna jańa basqarma tóraǵasy Talǵat Aldybergenovti tanystyrdy.

Talǵat Saǵıuly buǵan deıin «Qazaqstan temir joly» UK» AQ basqarma tóraǵasynyń orynbasary qyzmetin atqarǵan.

Ol temirjol salasynda 35 jyldan astam eńbek ótiline ıe. Almaty temirjol ınjenerleri ınstıtýtyn «Temirjol kóligindegi tasymaldaýdy uıymdastyrý jáne basqarý» mamandyǵy boıynsha úzdik bitirgen.

Sondaı-aq Reseı Prezıdenti janyndaǵy Reseı halyq sharýashylyǵy jáne memlekettik qyzmet akademııasynyń ekonomıka magıstri jáne ekonomıka ǵylymdarynyń kandıdaty.

«Talǵat Aldybergenov eńbek jolyn 1992 jyly Batys Qazaqstan temirjolynda bastap, júk kassıri, júk pen bagajdy qabyldap-tapsyrýshy, stantsııa bastyǵynyń orynbasary, aǵa jol kommertsııalyq revızory syndy qyzmetterdi atqardy», – delingen habarlamada.

1998-2007 jyldary ol «Qazaqstan temir joly» AQ qurylymdarynda túrli laýazymdarda, sonyń ishinde Aktóbe fılıalynyń basshysy, «Kaztransservıs» dırektory, «QazMunaıGaz» Saýda úıiniń kólik logıstıkasy departamentiniń dırektory bolyp qyzmet etti.

2008-2019 jyldary «Kedentransservıs» AQ prezıdenti, «AvtoGazAlmaty» JShS bas dırektory, «Kazakhmys Maker» JShS basqarma tóraǵasy laýazymdaryn atqardy. 2024 jyldan bastap «Qazaqstan temir joly» UK» AQ basqarma tóraǵasynyń orynbasary qyzmetin atqardy.

Aıta keteıik, «Ulytaý» fýtbol klýbynyń bas bapkeri taǵaıyndaldy.