Talǵarlyqtar jasóspirim ólimine baılanysty narazylyqqa shyqty – prokýratýra jaýap berdi
QONAEV. KAZINFORM – Talǵar qalasynyń turǵyndary 16 jastaǵy jasóspirimniń ólimine baılanysty narazalyqqa shyqty. Almaty oblysynyń prokýratýrasy bul iske baılanysty málimdeme jasady.
Marqumnyń týystarynyń aıtýynsha, janjal jasóspirimniń otbasyna tıesili dúkende bastalǵan. Satyp alýshy syra alyp, aqsha tólemegen. Eki arada týyndaǵan kıkiljeńnen keıin satyp alýshy bir top adamdy shaqyryp, jasóspirimdi soqqyǵa jyqqan.
Jasóspirimniń ákesi QR Bas Prokýrory Berik Asylovqa úndeý jasap, tergeý men sottyń ashyq bolýyn talap etti.
Almaty oblysynyń Prokýratýrasy kisi óltirý týraly bul is erekshe baqylaýǵa alynǵanyn resmı túrde habarlady. Sondaı-aq prokýratýra málimetine sáıkes, qylmys jasady degen kúdik boıynsha jeti kúdikti ustalyp, 2 aı merzimge qamaýǵa alyndy.
– Osy jyldyń 4 qazanynda Talǵar qalasynda tóbeles bolyp, qalanyń 16 jastaǵy turǵyny pyshaq jaraqatynan qaıtys bolyp, eki azamat aýyr dene jaraqatyn aldy. Marqumnyń otbasy men jaqyndaryna kóńil aıtamyz. Biz barlyq jaǵdaılardy anyqtaýǵa jáne kinálilerdi jaýapkershilikke tartýǵa baǵyttalǵan obektıvti tergeýge kepildik beremiz. Barlyq azamatty osy qylmysqa qatysy bar adamdardy jaýapkershilikten alyp tastaýǵa eshqandaı áreket jasalmaıtynyna sendirgimiz keledi. Tergeýge kómektesetin kez kelgen aqparaty bar ár adamdy prokýratýra nemese ishki ister organdaryna júginýge shaqyramyz, - dep habarlady prokýratýradan.
Eske salaıyq, buǵan deıin Talǵar qalasyndaǵy tóbelesten bir adam qaıtys bolǵanyn jazǵanbyz.
