Talǵarǵa jańa ákim qashan saılanady

QONAEV. KAZINFORM – Almaty oblysyna qarasty Talǵar qalasyna jańa ákim saılanady.

QR Ortalyq saılaý komıssııasynyń málimetinshe, Almaty oblysy Talǵar aýdanynyń aýmaqtyq saılaý komıssııasy qala ákiminiń saılaý kúnin 15 jeltoqsanǵa belgiledi.

Osyǵan deıin Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatylǵany týraly jazǵan edik.

Eske salaıyq, 4 qazanda Talǵar qalasyndaǵy tóbelesten bir adam mert boldy.

Ashýly talǵarlyqtar jasóspirim ólimine baılanysty narazylyqqa shyqty.

Artynsha, Talǵar aýdany ákimi apparatynyń basshysy Aslan Qasymbaev qyzmetinen qýyldy. Al, Talǵar aýdanynyń ákimi Tanat Esenkeldiuly Aıdarbekov jáne onyń orynbasary Aıbek Dúısembekuly Bıdaev «sógis» aldy.

Іshki ister mınıstrliginiń ókilderi BAQ qyzmetkerlerine Sherzat Bolat qaza bolǵan jerde kameraǵa túsip qalǵan vıdeony kórsetti.

Prokýratýra sottyń ashyq ótýin suraıtyndaryn jetkizdi.