Talǵardaǵy balyq súıeginen un óndiretin zaýyttyń ekologııaǵa áserin tekseremiz - mınıstrlik

TALǴAR. QazAqparat - Almaty oblysynyń halqy balyq súıeginen un óndiretin zaýyttyń ekologııany buzǵanyn aıtyp, narazylyq bildirdi. Osyǵan oraı Ekologııa, geologııa jáne tabıǵı resýrstar mınıstrligi túsinik berdi, dep habarlaıdy QazAqparat.

Jelide Almaty oblysy Talǵar aýdany Dáýlet aýylyndaǵy balyq súıegi unyn óndiretin zaýyttyń ekologııalyq normalardy buzýyna qatysty aqparat taraǵan-dy.

Mınıstrlik atalǵan fakti boıynsha jospardan tys tekserý júrgizý úshin shara qabyldap jatyr.

«Jergilikti atqarýshy organdardyń aqparaty boıynsha zaýyt jumysyn A.S.Baıgabatov sharýa qojalyǵy júrgizedi. Uıym №03-051-225-054 jer paıdalaný quqyǵy aktisi negizinde jumys istep tur. Osyǵan sáıkes jer ýchaskesiniń nysanaly maqsaty - balyq súıek unyn óndiretin shaǵyn tseh salý» delingen habarlamada.

Aıta keteıik, Ekologııa kodeksiniń 1-babynyń 6-tarmaǵyna sáıkes bıologııalyq qaldyqtarmen jumys isteý salasyndaǵy qoǵamdyq qatynasty Qazaqstannyń veterınarııa salasyndaǵy arnaıy zańnamasy retteıdi («Veterınarııa týraly» zańnyń 1-baby 4-1).

Almaty oblysy boıynsha ekologııa departamenti qoldanystaǵy zańnamaǵa sáıkes óz quzyreti sheginde tıisti sharalar qabyldaıdy.

«Anyqtalǵan fakt baqylaýda. Tekserý nátejesi qosymsha habarlanady» dep málim etti mınıstrlik.