Talǵardaǵy jasóspirimniń ólimi: kúdiktiler Qonaevqa aýystyryldy

QONAEV. KAZINFORM - Almaty oblysynyń Polıtsııa departamenti Talǵar qalasynda 16 jastaǵy jasópirimniń ólimine qatysy bar kúdiktilerdiń Qonaev qalasyna jetkizilgenin habarlady.

Polıtsııa málimetine sáıkes, qylmystyq is Talǵar qalasynan Qonaevtaǵy oblystyq tergeý basqarmasyna berilgen.

- Qylmystyq is oblystyq tergeý basqarmasyna berildi, sondyqtan kúdiktiler Qonaev qalalyq polıtsııa basqarmasynyń ýaqytsha ustaý ızolıatoryna jetkizildi, - dep habarlady oblystyq PD baspasóz qyzmeti.

Eske salaıyq, buǵan deıin 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz.

Odan keıin Talǵar turǵyndary jasóspirim ólimine baılanysty tergeýdiń ashyq bolýyn talap etip, narazylyqqa shyqty.

Sondaı-aq, jasósipirim qaza tapqan orynǵa turǵyndar gúl aparyp jatqanyn jazdyq.