Talǵardaǵy tragedııa: zardap shekkenderden nege jaýap alynbaı jatyr

QONAEV. KAZINFORM – Sherzat Bolattyń kisi qolynan qaza tapqanyna on kúnnen asyp ketti. Alaıda onyń jaqyndarynan áli kúnge deıin jaýap alynǵan joq. Munyń sebebin baspasóz máslıhaty barysynda ІІM Tergeý departamenti bastyǵynyń orynbasary Samat Aısov túsindirip berdi.

«Qazir kúdiktiler men kýágerlerden jaýap alyndy. Jábirlenýshi taraptan jaýap alý josparda bar. Jáı sózben aıtqanda, adamgershilik jaǵynan qarap otyrmyz», - dedi ol.

Sonymen qatar Baýyrjan Álenov Sherzattyń ákesin qorqytý boıynsha is tekserilip jatqanyn aıtty.

Eske salaıyq,4 qazanda Talǵar qalasyndaǵy tóbelesten bir adam qaıtys bolǵanyn jazǵanbyz.

Ashýly talǵarlyqtar jasóspirim ólimine baılanysty narazylyqqa shyqty.

Almaty oblysynyń Prokýratýrasy kisi óltirý týraly bul is erekshe baqylaýǵa alynǵanyn resmı túrde habarlady.

Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy.

Sondaı-aq, quqyq qorǵaýshy Aıtbek Amangeldi qaza tapqan jasóspirimniń otbasyna advokattar taýyp berdi.

Almaty oblystyq polıtsııa departamenti bastyǵynyń mindetin atqarýshy Serik Shalqarov beınebaqylaý kameralarynan alynǵan jazbalar zerttelip jatqanyn jetkizdi.

12 qazan kúni túnde qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.

Sondaı-aq, Bas prokýratýra qylmysty ashý úshin vedomstvoaralyq jedel-tergeý toby qurylǵanyn málimdedi.

Іshki ister mınıstriniń birinshi orynbasary Baýyrjan Alenov marqum Sherzat Bolattyń úıin órteý oqıǵasyn tergeý tobymen Talǵarǵa bardy.

Keıin Іshki ister mınıstriniń birinshi orynbasary Baýyrjan Alenov órt qylmysy boıynsha aıǵaqtar alynyp, tıisti saraptamalar júrgizilip jatqanyn habarlady.

Qoǵamdyq tártipti qadaǵalaý úshin Ulttyq ulan áskeri jumyldyryldy.