Talǵardaǵy tragedııa: qoǵamdyq tártipti qadaǵalaý úshin Ulttyq ulan áskeri jumyldyryldy

ALMATY. KAZINFORM – Qazirgi ýaqytta Almaty oblysynyń Talǵar qalasynda qoǵamdyq tártip pen turaqtylyqty qadaǵalaý qyzmetin atqarý úshin QR ІІM Ulttyq ulan áskerı bóliminiń jeke quramy jumyldyryldy. Bul týraly QR ІІM Ulttyq ulanynyń baspasóz qyzmeti málim etti.

«Ótkiziletin is-sharalar qaýipsizdikti qamtamasyz etýge jáne qoǵamdyq tártipti saqtaýǵa baǵyttalǵan. Azamattardan áskerılerdiń mindetine túsinistikpen qaraýdy suraımyz», — dep habarlady Ulttyq ulanynyń baspasóz qyzmeti.

Buǵan deıin habarlanǵandaı 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz.

Odan keıin Sherzattyń týǵan-týystary men Talǵar turǵyndary ashyq tergeý bolýyn talap etip, narazylyqqa shyqqan bolatyn.

Artynsha Talǵarda 16 jasar Sherzattyń úıi órtendi. Polıtsııa otbasyny qorǵaýǵa aldy. 

Bas prokýratýranyń basshylyǵymen qylmysty ashý úshin vedomstvoaralyq jedel-tergeý toby qurylǵany belgili boldy.

Іshki ister mınıstriniń birinshi orynbasary Baýrjan Alenov marqum Sherzat Bolattyń úıin órteý oqıǵasyn tergeý tobymen Talǵarǵa bardy.

Keıin Іshki ister mınıstriniń birinshi orynbasary Baýyrjan Alenov órt qylmysy boıynsha aıǵaqtar alynyp, tıisti saraptamalar júrgizilip jatqanyn habarlady.