Talǵardaǵy sot: Hasan Qasymbaevpen birge kimge aıyp taǵyldy
QONAEV. KAZINFORM - Talǵar aýdandyq sotynda Hasan Qasymbaev jáne ózge de kúdiktilerge baılanysty sot otyrysy ótip jatyr.
Sot otyrysynda aıyptalýshylar týraly málimet aıtyldy:
* Hasan Qasymbaev — 1984 jyly Almaty oblysy Kegen aýdany Qarqaraly aýylynda týǵan. Qazaq. Úılengen, úsh balasy bar (7, 10 jáne 13 jasta). Joǵary bilimdi. Buǵan deıin sottalmaǵan. 2024 jyldyń qarashasynan beri qamaýda otyr.
* Rýslan Alıev — 1999 jyly Almaty oblysy Talǵar aýdany Rysqulov aýylynda týǵan. Qazaq. Orta bilimdi, jumyssyz. Úılengen, 4 jastaǵy balasy bar. Buryn sottalmaǵan. 2021 jyldyń jeltoqsan aıynan beri qamaýda otyr.
* Madııar Qalımjanov — 1994 jyly Abaı oblysy Úrjar aýdany Naýaly aýylynda týǵan. Úılengen, 3 jastaǵy balasy bar. 2021 jyly sáýirde Eńbekshiqazaq aýdandyq soty QK 293-babynyń 3-bóligi boıynsha shartty túrde 3 jylǵa bas bostandyǵyn shektegen. 2021 jyldyń shildesinen beri qamaýda otyr.
* Saılaý Aqjanov — 1994 jyly Abaı oblysy Úrjar aýdany Naýaly aýylynda týǵan. Qazaq. Orta bilimdi, jumyssyz. Úılenbegen. 2017 jyly QK 106-babynyń 1-bóligi boıynsha shartty túrde sottalǵan. 2021 jyldyń qarashasynan beri qamaýda otyr.
* Nurmuhammet Sultanbekov — 1990 jyly Almaty oblysy Raıymbek aýylynda týǵan. Orta bilimdi, jumyssyz. Úılenbegen, buryn sottalmaǵan. 2023 jyldyń qańtarynan beri qamaýda otyr.
* Danııar Asqarov — 1994 jyly Abaı oblysy Úrjar aýdany Naýaly aýylynda týǵan. Qazaq. Úılengen, eki balasy bar (2 jáne 4 jasta) bar. Buryn Arnaıy jedel áreket etý jasaǵynda qyzmet istegen. Buryn sottalmaǵan. 2023 jyldyń mamyr aıynan beri qamaýda otyr.
Eske salaıyq, sot bastalǵannan keıin aıyptalýshylardyń advokattary prokýrordy aýystyrýdy ótindi.
Sýdıa Aınagúl Tuqybaeva bul ótinishti qanaǵattandyryp, memlekettik aıyptaýshy zaldan shyqty. Sot otyrysy ekinshi prokýror — Erlan Qulanbaevtyń qatysýymen jalǵasyp jatyr.
Hasan Qasymbaev byltyr qarasha qamaýǵa alyndy.
Bas prokýratýra Talǵarda adam urlap, uryp-soǵýǵa qatysty isti qaıta qarady.
Hasan Qasymbaevqa adam urlaý, densaýlyqqa qasaqana aýyr zııan keltirý jáne bopsalaý faktileri boıynsha aıyp taǵylyp otyr.