Talǵardaǵy qaraly úıdiń órtenýi: Qylmyskerler ustalyp, jaýapqa tartylady
ASTANA. KAZINFORM - Іshki ister mınıstriniń birinshi orynbasary Baýrjan Alenov marqum Sherzat Bolattyń úıin órteý oqıǵasyn tergeý tobymen Talǵarǵa bardy.
«Іshki ister mınıstriniń tapsyrmasy boıynsha men oqıǵa ornyna keldim. Jedel-tergeý toby quryldy. Menimen birge Іshki ister mınıstrliginiń ókilderi qyzmet atqarýda. Beınejazbalar tekserilip, kýágerlerdi anyqtaý jumystary júrgizilip jatyr. Qylmyskerler ustalyp, jaýapqa tartylatyn bolady. Qylmystyq is mınıstrdiń erekshe baqylaýynda», - dedi Baýyrjan Alenov.
Eske salaıyq, saǵat 00:50-de úıdi jalyn sharpyǵan. Órt saǵat 01:43-de tolyǵymen joıyldy.
Buǵan deıin 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz.
Odan keıin Sherzattyń týǵan-týystary men Talǵar turǵyndary ashyq tergeý bolýyn talap etip, narazylyqqa shyqqan bolatyn.
Búgin Bas prokýratýranyń basshylyǵymen qylmysty ashý úshin vedomstvoaralyq jedel-tergeý toby qurylǵany belgili boldy.
