Talǵardaǵy qandy oqıǵa: polıtseıler tóbelestiń bastalýy taspalanǵan beınejazbany kórsetti

QONAEV. KAZINFORM – Іshki ister mınıstrliginiń ókilderi Talǵardaǵy 16 jastaǵy Sherzat Bolat qaza tapqan jerde kameraǵa túsip qalǵan vıdeony kórsetti.

Kadrlarda Sherzatty óltirdi degen kúdiktiniń eki bótelke syra men tórt qorap temekini qalaı satyp alǵany kórsetilgen. Telefon arqyly aqshasyn tóleıdi. Kúdikti keıin dúkenge qaıta kelip, telefonyn qýattap berýin suraǵan. Birneshe mınýttan keıin ol telefonyn alýǵa qaıta oralǵan.

Janjal dalada bastalady.

Eske salaıyq,4 qazanda Talǵar qalasyndaǵy tóbelesten bir adam qaıtys bolǵanyn jazǵanbyz.

Ashýly talǵarlyqtar jasóspirim ólimine baılanysty narazylyqqa shyqty.

Almaty oblysynyń Prokýratýrasy kisi óltirý týraly bul is erekshe baqylaýǵa alynǵanyn resmı túrde habarlady.

Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy.

Sondaı-aq, quqyq qorǵaýshy Aıtbek Amangeldi qaza tapqan jasóspirimniń otbasyna advokattar taýyp berdi.

Almaty oblystyq polıtsııa departamenti bastyǵynyń mindetin atqarýshy Serik Shalqarov beınebaqylaý kameralarynan alynǵan jazbalar zerttelip jatqanyn jetkizdi.

12 qazan kúni túnde qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.

Sondaı-aq, Bas prokýratýra qylmysty ashý úshin vedomstvoaralyq jedel-tergeý toby qurylǵanyn málimdedi.

Іshki ister mınıstriniń birinshi orynbasary Baýyrjan Alenov marqum Sherzat Bolattyń úıin órteý oqıǵasyn tergeý tobymen Talǵarǵa bardy.

Keıin Іshki ister mınıstriniń birinshi orynbasary Baýyrjan Alenov órt qylmysy boıynsha aıǵaqtar alynyp, tıisti saraptamalar júrgizilip jatqanyn habarlady.

Qoǵamdyq tártipti qadaǵalaý úshin Ulttyq ulan áskeri jumyldyryldy.