Ekonomıkalyq ǵylymdar boıynsha Nobel syılyǵy ınnovatsııalyq ekonomıkalyq ósý jolyn túsindirgen ǵalymdarǵa berildi

ASTANA.KAZINFORM — Ekonomıka ǵylymdary boıynsha 2025 jylǵy Nobel syılyǵy ınnovatsııa men tehnologııalyq progrestiń qoǵamnyń baıýyna qalaı kómektesetinin túsindirgen ǵalymdarǵa berildi, dep habarlaıdy VVS. 

Júldeniń jartysy AQSh-taǵy Soltústik-Batys ýnıversıtetiniń qyzmetkeri Djoel Mokırge buıyrdy. Qalǵan jartysyn Frans kolledjiniń qyzmetkeri Fılıpp Agıon men London ekonomıka mektebiniń qyzmetkeri Pıter Hoýıtt bólisti. Olar ınnovatsııanyń odan ári ilgerileýge qalaı serpin beretinin túsindirdi.

— Sońǵy eki ǵasyrda álem tarıhta alǵash ret turaqty ekonomıkalyq ósimniń kýási boldy. Bul qanshama adamǵa kedeılikten qutylýǵa múmkindik berdi jáne bizdiń órkendeýimizdiń negizin qalady, — dep túsindirdi Shvetsııa Ǵylym akademııasy bıylǵy syılyqty.

Ótken jyly bul syılyq ǵalymdar Daron Asemoglý, Djeıms Robınson jáne Saımon Djonsonǵa berildi.

Esterińizge sala keteıik, Nobel aptalyǵy 6 qazanda bastaldy. Sol kúni ımmýnıtet júıesin zerttegen ǵalymdarǵa fızıologııa jáne medıtsına boıynsha Nobel syılyǵy berildi.

7 qazanda Amerıka Qurama Shtattarynyń ǵalymdaryna fızıka boıynsha Nobel syılyǵy berildi.

9 qazanda ádebıet boıynsha Nobel syılyǵy vengr jazýshysy Laslo Krasnahorkaıǵa berildi.

10 qazanda Beıbitshilik salasyndaǵy Nobel syılyǵy Venesýela saıasatkeri Marııa Korına Machadoǵa «Venesýela halqynyń demokratııalyq quqyqtaryn ilgeriletý jolyndaǵy tynymsyz qyzmeti jáne dıktatýradan demokratııaǵa ádil ári beıbit jolmen ótý jolyndaǵy kúresi úshin» berildi.