Talǵardaǵy atyshýly is: Qasymbaevqa qandaı aıyp taǵylyp otyr

QONAEV. KAZINFORM — Talǵar aýdandyq sotynda Hasan Qasymbaev jáne ózge de kúdiktilerge baılanysty sot otyrysy jalǵasyp jatyr. 

Талғардағы атышулы іс: Қасымбаевқа қандай айып тағылып отыр
Фото: Kazinform

Búgin, 22 tamyzda prokýror Erlan Qulanbaev aıyptaý aktisin oqyp berdi.

— Hasan Qasymbaevqa kelesi aıyp taǵylǵan: 16.08.2016 jyly ózara tanys Qasymbaev, Sydyqjanov jáne Muqashev qylmystyq jolǵa túsip, paıdakúnemdik nıetpen adamdar tobynyń aldyn ala sóz baılasýymen qorqytyp alý, ıaǵnı kúsh qoldanyp, bótenniń múlkin talap etý maqsattarymen ózderiniń qylmystyq qol suǵýshylyq obektisi retinde Sydyqjanovtyń tanysy Tájıevtiń aqshasyn tańdap, sońǵysyn Almaty oblysy tóńireginde jer telimderin satýmen aınalysyp júrgenin, sonymen qosa onyń qurylys jumystaryn isteıtin shaǵyn brıgadasy bar ekenin, jekemenshik dárihanasy bar dep oılap jáne basqarýynda Lexus 470, Tayota Highlander markili avtokólikteri bar ekenin bilip, oǵan kúsh qoldaný arqyly qorqytyp, odan aqsha talap etip, qylmystyq jolmen paıda tabýdy oılastyrǵan jáne qylmystyq jospar qurǵan. Qylmystyq josparǵa sáıkes, Muqashev pen Sydyqjanov Tájıevti kezdesýge shaqyryp alyp, odan keıin ony Almaty oblysy Talǵar aýdany Talǵar qalasynyń shetine alyp shyqqan. Al Qasymbaev sol jaqta kútip alyp, úsheýi Tájıevke kúsh qoldaný arqyly sońǵyny qorqytyp, odan aqsha talap etetin bolyp kelisken. Aldyn ala oılastyrylǵan qylmystyq josparlaryn júzege asyrý úshin 16.08.2016 jyly saǵat 13:00 shamasynda Sydyqjanov óziniń tanysy Tájıevke uıaly telefon arqyly habarlasyp, Almatydaǵy Kenjehan bazarynda kezdesýge shaqyrǵan. Sol kúni túski saǵat 15:00 shamasynda Tájıev tanysy Sydyqjanovtyń qylmystyq oılaryn bilmesten, jalǵyz ózi Almatydaǵy Kenjehan bazarynyń qasyna kelip, sol jerge Sydyqjanov basqaryp kelgen Toyota Land Cruiser Prada markili avtokóligine otyrǵan, al avtokólikte Sydyqjanov pen buryn tanys emes Muqashev bolǵan. Osy ýaqytta Sydyqjanov Tájıevke Almaty oblysy Talǵar aýdany Talǵar qalasyna baryp, «bir tanysymen sóılesip qaıtý kerek» dep aıtqan. Tájıev buǵan kelisken, — dedi ol.

Prokýrordyń málimetinshe, osy kezde olardy sybaılasy Qasymbaev kútip alǵan. Qasymbaev Tájıevtiń áýeli kókirek tusynan uryp, tynys alýyn qıyndatqan. Al Muqashev Tájıevtiń búırek jáne baýyr tusynan birneshe ret urǵan. Osy sátte Qasymbaev, Sydyqjanov, Muqashev tanysy Tájıevtiń qorqyp turǵanyna anyq kózi jetip, onyń jekemenshik dárihanasy bar ekenin aıtyp, onyń durys jumys isteýi úshin «aqsha qoıyp beresiń» dep talap etken.

Osydan keıin Qasymbaev, Sydyqjanov, Muqashev Tájıevti Talǵar qalasy Qonaev kóshesinde ornalasqan «Taý samaly» kafesiniń VIP-kabınkasyna kirgen. Al Tájıev óziniń ómiri men densaýlyǵy úshin qorqyp, qarsylyq kórsetpeı, olardyń aıtqanyn istep, birge júrgen. Bul kafede Qasymbaev, Muqashev ekeýi Tájıevtiń aıaǵynan jáne kókirek tusynan soqqylar jasaǵan, saldarynan Tájıevtiń tynys alýy nasharlap, esinen tanyp qalǵan. Ári qaraı olar jábirlenýshini esin jıǵyzyp, talap etken aqshany ákelip beretinine anyq kózi jetip, Tájıevten jalpy somasy 1 mıllıon teńge talap etken.

Eske salaıyq, Hasan Qasymbaev byltyr qarasha qamaýǵa alyndy

Bas prokýratýra Talǵarda adam urlap, uryp-soǵýǵa qatysty isti qaıta qarady.

Hasan Qasymbaevqa adam urlaý, densaýlyqqa qasaqana aýyr zııan keltirý jáne bopsalaý faktileri boıynsha aıyp taǵylyp otyr.

Eske salaıyq, sot bastalǵannan keıin aıyptalýshylardyń advokattary prokýrordy aýystyrýdy ótindi.

Sýdıa Aınagúl Tuqybaeva bul ótinishti qanaǵattandyryp, memlekettik aıyptaýshy zaldan shyqty.

Hasan Qasymbaevpen birge kimderge aıyp taǵylǵany belgili boldy.

Сейчас читают