Talǵarda júrgizýshi 10 jasar balany qaǵyp mert qyldy

QONAEV. QazAqparat - Almaty oblysynda 10 jasar balany qaqqan kólik júrgizýshisine is qozǵaldy, dep habarlaıdy QazAqparat tilshisi.

Áleýmettik jelide júrgizýshiniń kámelet jasyna tolmaǵan balany qaǵyp ketkeni týraly jazba jarııalanǵan bolatyn.

Almaty oblysy polıtsııa departamentiniń habarlaýynsha, 10 jasar jaıaý júrginshini qaǵý deregi 19 qyrkúıek kúni saǵat 18:45-te Talǵar aýdanynda bolǵan.

Toyota Camry avtokóliginiń 24 jastaǵy júrgizýshisi Jańalyq aýylynda Jetigen - Almaty avtojolynyń boıynda jaıaý júrginshiler ótkelinde 10 jasar balany qaǵyp ketken.

Alǵan jaraqatynan bala oqıǵa ornynda mert boldy.

Atalǵan derek boıynsha Talǵar aýdanynyń polıtseıleri QR QK-niń 345-baby 3-bóligimen sotqa deıingi tergeý amaldaryn júrgizip jatyr.

Іs boıynsha tıisti saraptamalar taǵaıyndaldy.

Vıdeodan alynǵan kadr