Talǵarda jetkinshekti qaǵyp ketken polıtseı jumystan shettetildi
TALDYQORǴAN. QazAqparat - Talǵar qalasynda jaıaý júrginshini qaǵyp ketken polıtseı jumystan shettetildi. Almaty oblystyq ІІD baspasóz qyzmetiniń jetekshisi Aıman Myrzekovanyń aıtýynsha, qazir atalǵan jaǵdaı boıynsha is qozǵalyp, tergeý jumystary júrgizilip jatyr, - dep habarlaıdy QazAqparat tilshisi.
QR QK 345 baby ıaǵnı, kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy boıynsha is tergelip jatyr, dedi A.Myrzekova QazAqparat tilshisine bergen suhbatynda.
Esterińizge sala keteıik, qańtardyń 1 kúni Talǵar qalasynda jol-patrýldik polıtsııasynyń kóligimen polıtsııa qyzmetkeri jaıaý júrginshini qaǵyp ketti. 17 jastaǵy er bala jedel túrde aýrýhanaǵa jetkizilgen bolatyn.
