Talǵarda jedel járdem kóligi aýdarylyp qaldy

QONAEV. KAZINFORM — Almaty oblysy Talǵar aýdanynda jedel járdem kóligi jol apatyna ushyrady.

Almaty oblystyq jedel medıtsınalyq járdem stantsııasynyń málimetinshe, oqıǵa 2025 jylǵy 6 qyrkúıekte, tańerteń bolǵan. Shaqyrýǵa bara jatqan arnaıy kólik Lexus RX 300 avtokóligimen soqtyǵysyp, aýdarylyp qalǵan.

— Jol-kólik oqıǵasy saldarynan brıgada júrgizýshisi jeńil jaraqat aldy, sondaı-aq medıtsınalyq qyzmetker men ekinshi kóliktiń júrgizýshisi tekserilý úshin Talǵar ortalyq aýdandyq aýrýhanasyna jetkizildi, - delingen stantsııa habarlamasynda.

Almaty oblysy Polıtsııa departamenti de oqıǵaǵa qatysty túsinik berdi.

— Aldyn ala derekterge sáıkes, arnaıy kólik júrgizýshisi baǵdarshamnyń tyıym salatyn belgisinde júrip ótip, basqa kólikpen soqtyǵysqan. Atalǵan fakti boıynsha ákimshilik is júrgizilip jatyr, - dep habarlady vedomstvo.

Eske salaıyq, buǵan deıin polıtsııa Talǵarda er adamdy atyp, balany urlap áketken kúdiktini ustaǵanyn jazǵanbyz.