Talǵarda jas jigit sýǵa batyp bara jatqan balany qutqaryp qaldy
QONAEV. KAZINFORM — Almaty oblysynda 28 jastaǵy azamat sýǵa batyp bara jatqan balany aman alyp qaldy.
Onyń vıdeosy áleýmettik jelide tarady.
Beınejazbadan er adamnyń aǵysqa qarsy júzip, kishkentaı balany qutqarýǵa tyrysyp jatqanyn kórýge bolady.
Oqys jaǵdaı Talǵar aýdanynyń aýmaǵynda bolǵan.
Kýágerlerdiń sózinshe, búldirshin Úlken Almaty kanalynyń boıynda aıaǵy taıyp, sýǵa qulaǵan.
«Men kópir boıymen kele jatyp kishkentaı balalardyń sýǵa batyp bara jatqan balany qutqara almaı júgirip júrgenderin baıqadym. Men tez júgirip baryp, ony sýdan alyp shyqtym. Bala kishkene sý jutyp qoıǵan eken jáne qorqyp qalǵan. Búldirshin esin jıyp, ózine kelgen soń dostarymmen birge ketip qaldy. Ózimdi batyr dep sanamaımyn, meniń ornymda kim bolsa da kómekteser edi», — deıdi ol.
Almaty oblysy ákimdiginiń málimetinshe, erlik jasaǵan azamat — Raıymbek aýdanynyń týmasy.
