Talǵarda izdeýde júrgen er adam ustaldy

QONAEV. KAZINFORM – Almaty oblysynda «Ýchaske» respýblıkalyq jedel-profılaktıkalyq is-sharasy júrip jatyr.

Atalǵan is-shara sheńberinde polıtsııa qyzmetkerleri keń aýqymda tekserý jumystaryn júrgizip jatyr. 22 kún ishinde 108 123 turǵyn úı nysany, onyń ishinde 30 020 kópqabatty jáne 78 103 jeke úı tekserilgen.

Tekserý júrgizý barysynda Qaınar aýyldyq okrýginiń jaıylymydyq aýmaǵynda sot sheshimi boıynsha Qaraǵandy oblysynda izdeýde júrgen er adam ustaldy. Buǵan deıin ol qylmystyq jaýapkershilikke tartylyp, «shartty túrde merziminen buryn bosatylǵan» esebine alynǵannan keıin profılaktıkalyq baqylaýdan jaltarǵany anyqtaldy.

— Qazirgi ýaqytta ustap alynǵan azamat ýaqytsha ustaý ızolıatoryna qamalyp, ári qaraı protsessýaldyq sharalar qabyldaý úshin izdeýdi uıymdastyrǵan organǵa tapsyrylatyn bolady, — dep habarlady polıtsııa departamenti.

Eske salaıyq, buǵan deıin halyqaralyq izdeýde júrgen kúdikti Grýzııada ustalǵanyn jazǵanbyz.