Talǵarda tehnogendik sıpattaǵy tótenshe jaǵdaı jarııalanýy múmkin
ASTANA. KAZINFORM – Almaty oblysy Talǵar aýdanynda obektilik deńgeıdegi tehnogendik sıpattaǵy tótenshe jaǵdaı jarııalaý josparlanyp otyr.
Tıisti sheshim jobasy 2026 jylǵy 22 sáýirge deıin qoǵamdyq talqylaýǵa shyǵarylǵan. Qujat «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» zańnyń 33-babyna, «Azamattyq qorǵaý týraly» zańnyń 48-babyna jáne TJM-niń tótenshe jaǵdaılardy jikteý týraly 2023 jylǵy 10 mamyrdaǵy №240 buıryǵyna sáıkes ázirlengen.
– Jobaǵa sáıkes tótenshe jaǵdaıdy Talǵar qalasy Asan Qaıǵy kóshesi, 8/1 ǵımaraty mekenjaıy boıynsha jarııalaý usynylady. Bul sheshim aýdandyq tótenshe jaǵdaılardyń aldyn alý jáne olardy joıý jónindegi komıssııanyń 2026 jylǵy 21 sáýirdegi kezekten tys otyrysynyń hattamasyna negizdelgen, – delingen qujatta.
Bastamanyń negizgi maqsaty – oryn alǵan oqıǵanyń saldaryn jedel joıý jáne áreket etýshi qyzmetterdiń jumysyn úılestirý.
– Qabyldanatyn sheshim tótenshe jaǵdaı saldaryn joıýǵa jáne tıisti qyzmetterdiń úılesimdi áreketin qamtamasyz etýge baǵyttalǵan. Jobany iske asyrý áleýmettik-ekonomıkalyq nemese quqyqtyq turǵydan teris saldarǵa ákelmeıdi, – dep atap ótilgen.
Aıta keteıik, buǵan deıin SQO-da kóktemgi sý tasqynynyń ekinshi tolqyny ótip jatqany habarlanǵan bolatyn.
