Talǵarda taý betkeıinen topyraq kóshken aýmaqta komıssııa jumys istep jatyr
QONAEV. KAZINFORM – Talǵar aýdanyna qarasty Besaǵash aýylyndaǵy «Býrabaı» kottedj qalashyǵynda topyraq syrǵýyna baılanysty jedel shtab komıssııasynyń jıyny ótti.
Talǵar aýdany ákimdiginiń málimetinshe, komıssııa turǵyndardyń qaýipsizdigin qamtamasyz etý, jaǵdaıǵa baılanysty zertteý jumystaryn júrgizý máselelerin talqylap, aldaǵy ýaqytta qabyldanatyn naqty sharalardy pysyqtaǵan.
– Qazirgi tańda turǵyndardy qaýipsiz aımaqqa kóshirý, aýmaqty topyraqtan tazartý, sondaı-aq qaýipsizdik sharalaryn kúsheıtý jumystary júrgizilip jatyr. Atalǵan jaǵdaı Tótenshe jaǵdaılar departamenti, sondaı-aq aýdan jáne oblys ákimdiginiń turaqty baqylaýynda, - dep habarlady aýdan ákimdigi.
Eske salaıyq, 8 aqpan kúni saǵat 10:23-te turaqsyz aýa raıy men topyraqtyń shamadan tys ylǵaldanýynan taý betkeıinen jer massasy jyljyǵan. Sol jaǵdaıdan keıin Baıanaýyl kóshesindegi №8 jáne №24a jeke turǵyn úılerdiń aýmaǵyna topyraq túsip, betonnan salynǵan tireý qabyrǵadan asyp ótken.
Oblys ákimdigi bul aýmaqtaǵy turǵyn úıler buryn taý betkeıin óz betinshe kesý arqyly salynǵanyn málimdedi.