Talǵarda rezeńke dóńgelek órtep qubyr jylytqandardyń isi tekseriledi - mınıstrlik

NUR-SULTAN. QazAqparat – Ekologııa, geologııa jáne tabıǵı resýrstar mınıstrligi Almaty oblysynyń Talǵar aýdanyndaǵy qubyrdy jylytý úshin kóliktiń rezeńke dóńgelegin órtegen adamdardyń isin tekserip jatyr, dep habarlaıdy QazAqparat tilshisi.

Aıta ketsek, buǵan deıin áleýmettik jeli men BAQ-tarda 4 qańtar kúni Talǵar aýdany Besqaınar aýyldyq okrýginde kommýnaldyq qyzmettiń qatyp qalǵan sý qubyrlaryn jylytý úshin avtokólik dóńgelegin órtegeni týraly aqparat taraǵan edi. Bul oqıǵa jergilikti turǵyndardyń narazylyǵyn týǵyzyp, azamattar áleýmettik jelide aýyldy tútin alyp ketkenin habarlaǵan.

«Osyǵan baılanysty «Talǵar sý» mekemesiniń qyzmetkerleri oqıǵa ornyna birden baryp, rezeńke dóńgelekti órteýdi toqtatty, olardan órt saldaryn joıý talap etildi. Sonymen qatar, Almaty oblysynyń ekologııa departamenti bul oqıǵanyń mán-jaıyn anyqtaý úshin resmı tekserý júrgizedi. Sonyń qorytyndysy boıynsha tıisti shara qabyldanady. Ol úshin vıdeo avtory departamentke resmı aryz jazýy kerek», - dep habarlaıdy mınıstrliktiń baspasóz qyzmetinen.

Mınıstrlik tekserý qorytyndysy aldaǵy ýaqytta jarııalanatynyn jetkizdi.