Talǵarda órtengen úıden 35 adam qaýipsiz jerge shyǵaryldy
ASTANA. QazAqparat - Talǵarda órtengen úıden 35 adam qaýipsiz jerge shyǵaryldy. Bul týraly QR ІІM Tótenshe jaǵdaılar komıtetiniń resmı ókili Nursultan Nurahmetov aıtty, dep habarlaıdy QazAqparat tilshisi.
«6 aqpan kúni saǵat 12-33-te órtke qarsy qyzmet pýltine Almaty oblysyna qarasty Talǵar aýdanynyń Talǵar qalasynda 5 qabatty úıden órt shyqqandyǵy týraly habar tústi. Ekinshi qabattaǵy balkon órtenip, órt 3 jáne 4 qabattardyń balkonyna taraǵan. Jalyn sharpyǵan aýmaq 35 sharshy metrdi quraıdy. Órt sóndirýshiler 35 adamdy, onyń ishinde 12 balany qaýipsiz jerge shyǵaryp, bir adamdy qutqardy», - dedi resmı ókil.
Onyń dereginshe, tilsiz jaýmen kúreske Almaty oblystyq TJD jeke quramynyń 10 mamany men 3 tehnıkasy jumyldyrylǵan.
