Talǵarda medıtsına qyzmetkerlerin uryp-soqqan azamattardyń biri qamaýdan bosatyldy

Talǵar qalasynda medıtsına qyzmetkerlerin uryp-soqqandardyń biri kepilmen bosatyldy, dep habarlaıdy Kazinform.

Talǵar aýdandyq ortalyq aýrýhanasynda dáriger men meıirgerin soqqyǵa jyqqan Almaty oblysy turǵyndarynyń biri kepilmen bosatyldy. Bul týraly Talǵar aýdandyq sotynyń baspasóz qyzmeti málim etti.

"Berilgen kepil somasy shamamen 1,2 mln teńgeni qurady", - dep habarlady sottyń baspasóz qyzmeti.

Eske salaıyq, Talǵar aýdandyq aýrýhanasynda ákesiniń qaıtys bolǵanyn estigen uldary medıtsına qyzmetkerlerine kúsh kórsetip, marqumnyń denesin urlap ketken. 

Keıin Densaýlyq saqtaý mınıstrligi atalǵan oqıǵaǵa qatysty pikir bildirip, dárigerlerdi soqqyǵa jyqqandardy jazalaýdy talap etti. https://kaz.inform.kz/news/-b6e297/

Kóp uzamaı eki kúdikti ustalyp, polıtsııa bólimine jetkizilgeni málim boldy.