Talǵarda kópqabatty úıden órt shyǵyp, 18 adam evakýatsııalandy

QONAEV. KAZINFORM – Talǵar qalasynda kópqabatty turǵyn úıdiń 4 qabatynda ornalasqan páterde órt shyqty.

Talǵarda kópqabatty turǵyn úıdiń tórtinshi qabatyndaǵy páterde 8 sharshy metr alańda jıhaz jáne úı zattary órtenip ketken.

«Órt sóndirýshiler 18 adamdy evakýatsııalady, onyń ishinde 8 bala bar. Zardap shekkender joq. Órttiń shyǵý sebebi anyqtalyp jatyr», - dep habarlady Tótenshe jaǵdaılar mınıstrliginiń baspasóz qyzmeti.

TJM azamattardy órt qaýipsizdigi erejelerin saqtaýdy suraıdy.

Osyǵan deıin «Almaty-Bishkek» avtojolynyń 18 shaqyrymynda ornalasqan jıhaz tsehynda órt shyǵyp, 2 adam jeńil jaraqat alǵany týraly jazǵan edik.