Talǵarda dóńgelek zaýytynan shyqqan órt tolyq sóndirildi
ASTANA. KAZINFORM — QR TJ mınıstri, general-maıor Shyńǵys Árinov órtti sóndirý jumystaryn tikeleı úılestirip, basqardy, dep habarlaıdy TJM baspasóz qyzmeti.
Ol Almaty oblysy Talǵar aýdany Jańalyq aýylynda jańa órt sóndirý bólimin ashý úshin is-saparmen kelgen.
Vedomstvo málimetinshe, tilsiz jaý 500 sh. m. alańdy sharpyǵan.
— TJM kúshterimen órt 500 sh. m. alańda tolyǵymen sóndirildi. Naqtylanǵan málimetter boıynsha, Almaty oblysy Talǵar aýdany Jańalyq aýylynyń jol boıynda, rezeńke buıymdaryn óńdeıtin JShS aýmaǵynyń syrtynda jınalǵan rezeńke-tehnıkalyq buıymdarynyń janýy oryn aldy. Oqıǵa ornynda anyqtaýshylar men órt synaq zerthanasy jumys isteýde. Órttiń shyǵý sebebi anyqtalýda, — delingen habarlamada.
Órtti sóndirýge Almaty oblysy men Almaty qalasy TJD 12 tehnıkasy jáne jeke quramnan 37 adam jumyldyryldy.
Buǵan deıin habarlanǵandaı, Talǵar aýdanynda rezeńke dóńgelekter shyǵaratyn zaýyt órtenip jatty.