Talǵarda bir kósheni Sherzat Polattyń esimimen ataý usynyldy

ALMATY. KAZINFORM — Qaza tapqan jasóspirimniń otbasynyń advokaty Meıirman Shekeev Talǵar ákimine qaladaǵy kóshelerdiń birin – Mendeleev nemese Shota Rýstavelı kóshesin – Sherzat Polattyń esimimen ataýdy usyndy.

Zańger óziniń Instagram paraqshasynda Sherzat Polattyń qaza bolǵanyna bir jyl tolýyna oraı ótken astan beınejazba jarııalady.

– 16 jasar Sherzattyń qany tógilip, qaıtys bolǵan jerdegi kóshelerdiń ataýlary Mendellev jáne Rýsstavellı dep atalady. Ekeýi de Talǵarǵa, tipti Qazaqstanǵa eńbek sińirgen tulǵalalar emes. Sondyqtan men Talǵar qalasynyń ákimi Arystanǵa Mendeleev kóshesin marqum Sherzattyń atymen ataýyn usyndym. Ol usynysyma múmkindiginshe qoldaý bildiretinin jetkizdi, – dep jazdy advokat.

Ákimdik óz kezeginde bul aqparatty joqqa shyǵardy. Advokat telefon arqyly Talǵar ákimi Arystanbek Ábilqaıyrulymen sóılesken, ákim oǵan onomastıka boıynsha ádistemelik usynymdarǵa silteme jasaı otyryp, sheshimdi tek komıssııa qabyldaıtynyn túsindirgen.

Erejege sáıkes, kórnekti tulǵalardyń esimderi nysandarǵa olar qaıtys bolǵannan keıin keminde bes jyl ótken soń ǵana beriledi. Erlik kórsetken nemese el táýelsizdigine eleýli úles qosqan azamattar úshin ǵana erekshelik jasalýy múmkin.

Buǵan deıin Sherzat Polattyń otbasy demeýshilerdiń kómegimen jańa baspanaǵa kóshetini belgili bolǵan edi.

Eske salaıyq, byltyr 4 qazan kúni tóbelesten 16 jastaǵy Sherzat Polat qaza tapty.

Sherzat ólimine qatysty 9 adam 23 jyldan 1,5 jylǵa deıin sottaldy.

Tamyz aıynda apellıatsııalyq sot úkimdi ózgerissiz qaldyrdy.