Talǵarda bir otbasynyń 3 adamy ıis tıip kóz jumdy
TALǴAR. QazAqparat - Almaty oblysynyń Talǵar qalasynda bir otbasynyń úsh múshesi ıis tıip kóz jumdy. Olar 1973 jylǵy ákesi, 2001 jáne 2005 jyly týǵan balalary, dep habarlaıdy QazAqparat tilshisi oblystyq TJD baspasóz qyzmetine silteme jasap.
Mamandardyń aıtýynsha, otbasynyń anasy aýyr hálde jansaqtaý bóliminde jatyr. Aldyn-ala boljam boıynsha qaıǵyly oqıǵaǵa qatty otynmen jylytylatyn peshtiń aqaýy sebep bolýy múmkin.
Tótenshe jaǵdaılar departamenti tarapynan aýqymdy jumystar atqarylyp jatqanymen Almaty oblysynda ýly gazben ýlaný faktileri jıilep ketti. 2019 jyldyń basynan 18 adam ıis tıip kóz jumǵan. Ótken aptanyń senbisinde Úsharal qalasynda bir úıden jeti adam ýly gazben ýlanyp, olardyń bireýi jan tásilim etti.
