Talǵarda aýys-túıis: qala ákiminiń orynbasary taǵaıyndaldy

QONAEV. KAZINFORM — Talǵar qalasy ákiminiń orynbasary laýazymyna Baýyrjan Baıbatyrov taǵaıyndaldy.

Baýyrjan Baıbatyrov 1987 jyly 29 qazan kúni dúnıege kelgen. Bilimi — joǵary. Ortalyq Azııa Ýnıversıtetin quqyqtaný mamandyǵy boıynsha bitirgen.

Jalpy memlekettik qyzmettegi eńbek ótili — 8 jyl.

Eńbek jolyn 2014 jyly Bólek aýyldyq okrýginiń ákimdiginde jetekshi maman bolyp bastaǵan. 2018-2020 jyldary Eńbekshiqazaq aýdany boıynsha kirister basqarmasynyń bas mamany boldy. 2023 jyldan beri Talǵar aýdany ákiminiń apparaty memlekettik-quqyqtyq bóliminiń bas mamany qyzmetin atqardy.

Osyǵan deıin Talǵar aýdany ákimi apparatynyń basshysy laýazymyna Nurjan Abdalımov taǵaıyndalǵany týraly jazǵan edik. 

Eske salaıyq, 15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatylǵan edi.