Talǵarda atys bolyp, bir adam kóz jumdy

QONAEV. QazAqparat - Almaty oblysyndaǵy Talǵar aýdanynda atys bolyp, bir adam mert boldy. Ol aýrýhanada jan tapsyrǵan, - dep habarlaıdy QazAqparat tilshisi.

«18 shilde kúni Talǵar aýdanynda 8 jergilikti turǵynnyń arasynda kıkiljiń týyndaǵan. Olar qarý qoldanǵan. Saldarynan túrli dene jaraqatymen eki er adam aýrýhanaǵa túsip, onyń bireýi sol jerde kóz jumdy. Qazir barlyq adamdar anyqtalyp, ustaldy. Qazir atalǵan fakti QK-tiń 103, 293-baptary boıynsha is qozǵalyp, tergeý júrip jatyr»,- delingen Almaty oblystyq Polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, oqıǵaǵa qatysqan adamdar bir-birine tanys bolyp keledi.