Talǵarda ákimdiktiń aldynda kóbik toly vannanyń ishinde jatqan jigit 15 kúnge qamaldy
QONAEV. KAZINFORM – Talǵarda jas jigit kóbik tolǵan vannany ákimdiktiń aldynda ákelip qoıyp, ishinde kompot iship jatqan. Onyń vıdeosy áleýmettik jelide tarady.
Almaty oblysy Talǵar aýdandyq sotynda ÁQBtK 434-babynyń 1-bóligi boıynsha azamat Á-ge qatysty ákimshilik is qaraldy.
Ol 2 aqpan kúni saǵat 20:00 shamasynda Talǵar qalasy Qonaev kóshesinde aýdandyq ákimdiktiń aldynda, jaıaý júrginshi ótkeliniń ortasyna kóbik tolǵan vannany qoıyp, ishinde kompot iship jatqan.
«Azamat Á. osy áreketimen jaıaý júrginshilerge kedergi keltirip, qoǵamdyq orynda aınalasyndaǵylardy syılamaıtynyn bildirip, qoǵamdyq tártipti buzǵan. Onyń kinási ákimshilik hattama jáne onyń túsiniktemesimen tolyq dáleldendi. 3 aqpandaǵy sot qaýlysymen Á. ÁQBtK 434 babynyń 1 bóligimen kináli dep tanylyp, 15 táýlikke ákimshilik qamaqqa alyndy» dep habarlady Talǵar aýdandyq sotynyń baspasóz qyzmeti.
Qaýly zańdy kúshine engen joq.
