Talǵarda 78 jastaǵy keıýanaǵa qaraqshylyq shabýyl jasaǵan kúdikti ustaldy
Talǵar APB kezekshi bólimine Talǵar qalasynyń 78 jastaǵy turǵynynyń úıine belgisiz bireýdiń basyp kirip, pyshaqpen qorqytyp, aqshasyn tartyp áketkeni týraly habarlama kelip túsken. Shyǵyn somasy 100 myń teńgeni qurady.
« Oqıǵa ornyna sanaýly mınýttarda jetken Talǵar APB patrýli jábirlenýshiden qylmyskerdiń syrtqy kelbeti týraly surastyryp, izdeýge kirisken. 30 mınýttan keıin patrýldik polıtsııa qyzmetkerleri minez-qulqy kúdik týdyratyn, butalar arasynda jasyrynǵan, jábirlenýshi sıpattaǵan adamǵa uqsaıtyn er adamdy ustady. Onyń qaltasynan bir býma aqsha tabyldy», – dedi Talǵar APB bastyǵy Erlan Qasym.
Óziniń is-áreketin moıyndaǵan kúdiktiden jaýap alý kezinde polıtseıler egde áıelge shabýyl jasaý dereginiń mán-jaıyn tolyq anyqtady.
«Jumyssyz kúdikti qalany maqsatsyz aralap júrip, jalǵyzbasty ájeıdiń aqshasyn tartyp alýǵa bel baılaǵan. Ózin eshkim kórmeýi úshin úıge artqy jaqtaǵy qorshaý arqyly kirgen. As úı pyshaǵymen zeınetkerdi qorqytyp, odan aqsha talap etken. Qoryqqan ájeı oǵan 500 teńge usynǵan. Usynylǵan aqshaǵa kóńili tolmaǵan kúdikti ájeıdi kúsh qoldanamyn dep qorqytyp, barlyq aqshasyn berýdi talap etken. Ájeı qoryqqannan ámııanyn alyp shyqqan. Ustalǵan adam ámııannan barlyq aqshany alyp, izin sýytqan. Jarty saǵattan keıin kúdikti ustaldy», – dep tolyqtyrdy Erlan Qasym.
Qazirgi ýaqytta bul fakt boıynsha QR Qylmystyq kodeksiniń 192-babymen (Qaraqshylyq) tergeý amaldary júrgizilýde.